SMI.KAZANOBR.RU Учитель года города Казани-2020

Блог пользователя Зиннатуллин Раиф Каримуллович

Ибраһим Хәлфин исемендәге X республика фәнни-эзләнү конференциясе

IMG_3451

Авиатөзелеш районының 14 нче гимназия базасында күренекле мәгърифәтче, галим Ибраһим Хәлфин исемендәге X республика фәнни-эзләнү конференциясе булды. Конференция ел саен Татарстан Республикасы мәгариф һәм фән министрлыгы, Казан федераль университетының Филология һәм мәдәниятара багланышлар институты, Казан шәһәре мәгариф идарәсе, 14 нче гимназия тарафыннан оештырыла.
Чараны гимназия директоры Вахитова М.Ә. ачып җибәрде. Ул конференциянең максаты белән таныштырды, чараның Бөек Җиңүнең 70 еллыгына багышлануын искәртте.
Конференциядә катнашучыларны Филология һәм мәдәниятара багланышлар институты доценты, филология фәннәре кандидаты Хабетдинова М.М., Казан шәһәре мәгариф идарәсе методисты, Татарстанның атказанган укытучысы Зиннәтуллин Р.К., фронтовик-язучы Фатих Кәримнең кызы Кәримова Л.Ф., күренекле татар язучысы Г.Әпсәләмовның оныгы, шагыйрь, Россия һәм Татарстан Язучылар Союзы әгъзасы Әпсәләмова А.Б.сәламләделәр.
Конференция эшендә республика мәктәпләрендә белем алучы укучылар һәм педагоглар катнашты. Конференция кысаларында 11 секция эшләде. Секция утырышларында 131 укучының чыгышы тыңланылды.

Һөнәри бәйгеләргә әзерлек

IMG_9576

2015 нче елның 29 нчы гыйнварында Киров районы “4 нче гимназия-интернат” базасында “ Татар теле һәм әдәбияты укытучыларының иҗади үсеш чарасы буларак һөнәри осталык бәйгеләренең роле” темасына шәһәр семинары булып үтте. Аның эшендә татар теле һәм әдәбияты укытучылары, гомуми белем оешмалары директорларының милли мәгариф буенча урынбасарлары катнашты. Семинарны Казан шәһәре мәгариф идарәсе методисты Р.К.Зиннәтуллин ачты.Ул бу чараның максаты, бурычлары белән таныштырды, һөнәри бәйгеләрнең иҗади эшчәнлеккә йогынтысын күрсәтте.
Гимназия директоры Фәттиев М.М. үзенең чыгышында интернатлы гимназия шартларында гыйльми-тәрбияви тирәлек тудыруга тукталды. Директорның фәнни-методик эше буенча урынбасары М.Ә. Әхмәтова укытучыларның компетенцияләрен үстерүдә һөнәри конкурсларның роле турында сөйләде.
Россия Федерациясе күләмендә уздырылучы ана теле, рус теле укытучыларының һөнәри бәйгеләренә әзерлек үзенчәлекләре белән әлеге конкурста Гран При яулаган, Казан федераль университеты фәнни хезмәткәре, филология фәннәре кандидаты Р.И.Латыйпов таныштырды.

Методик берләшмә җитәкчеләре семинары

DSC09740 [640x480]

Казан шәһәре Совет районының 90 нчы татар гимназиясендә “Гимназиядә белем бирү сыйфатын үстерү нигезе буларак татар теле һәм әдәбияты дәресләрендә укучыларның эшчәнлеген оештыру “ дигән темага семинар үтте. Семинарга шәһәр татар теле һәм әдәбияты укытучыларның мәктәп методик берләшмәсе җитәкчеләре һәм шәһәр методик берләшмәсе әгъзалары чакырылган иде. Гимназия директоры Г.Д.Закирҗанова һәм аның урынбасары Э.М. Сәлахова педагогик коллективның укыту һәм тәрбия процессында яңа педагогик технологияләр кулланып эшләү һәм ФДББС ны гамәлгә ашыру шартларында укучылар эшчәнлеген оештыру тәҗрибәсе белән уртаклаштылар.
Гимназиянең татар теле һәм әдәбияты укытучылары ( Ф.Ш. Вәлиуллина, Р.Н. Йосыпова, Л.Р. Нәсипова, Л.З. Ибраһимова) үткәргән дәресләрдә укучылар эшчәнлеген оештыруның төрле алымнары белән танышырга мөмкин иде. Татар теле һәм әләбияты укытучылары Г.Р.Габделхакова, Я.Г. Хәлиуллинаның “Универсаль уку гамәлләрен кулланып, лирик әсәргә анализ ясау үзенчәлекләре” дигән темага уздырылган мастер-классы, дәресләр кебек үк, югары бәя алды.

Всероссийский мастер-класс учителей родных, включая русский, языков

DSC00858 [640x480]

18-20 ноября в городе Москве проходил Всероссийский мастер-класс учителей родных, включая русский, языков. Данный конкурс проводится с 2007 года.
Целью проведения данного конкурса является распространение педагогического опыта лучших учителей родных и русского языков и литератур, выявление и демонстрация инновационных элементов методики преподавания родных языков с опорой на знания, полученные при изучении русского языка; поддержка творчески работающих учителей родных языков народов России, повышение престижа профессии «Учитель родного и русского языков».
В конкурсе ежегодно учителя из Республики Татарстан принимают самое активное участие и занимают призовые места.
В этом году Республику Татарстан представил Саяхов Ильдар Искандарович, учитель татарского языка и литературы муниципального автономного общеобразовательного учреждения «Гимназия-интернат № 4» Кировского района города Казани.
Для участия в очном этапе конкурса учителю необходимо было представить:
1. «Визитную карточку», включающую приветствие участников мастер-класса на родном и русском языках; презентацию на тему «Мой регион, моя школа, моя профессиональная деятельность».

Татар теле һәм әдәбияты укытучыларының шәһәр методик берләшмәсе утырышы

DSC01770

Татар теле һәм әдәбияты укытучыларының шәһәр методик берләшмәсе утырышы

9 нчы октябрь көнне шәһәр мәгариф идарәсенең конференцияләр залында татар теле һәм әдәбияты укытучыларының шәһәр методик берләшмәсе утырышы булды. Аның эшендә милли мәгариф өчен җаваплы методистлар, методик берләшмә әгъзалары катнашты. Утырышта 9 нчы сыйныфларда татар теленнән үткәрелгән бердәм республика тесты нәтиҗәләре анализланды. Тест нәтиҗәләре республиканың башка шәһәр һәм район мәктәпләре белән чагыштырылды.Укучыларның белемнәрендәге кимчелекләр ачыкланды. Укытучылар авыл мәктәпләрендә белем алучылар белән шәһәр мәктәпләрендә укучы балаларның татар телен төрле дәрәҗәдә белүен, укырга кергәндә балаларның туган телне бөтенләй дип әйтерлек белмәвен ассызыкладылар. Шәһәр җирлегендә татар телен куллану даирәсенең бик тар булуын күрсәттеләр. Моның исә татар телен өйрәнүгә тискәре мотивация ясавын билгеләделәр.Тестларны төзегәндә бу факторны исәпкә алсыннар иде дигән теләк җиткерелде.
Утырышта укучыларның белемнәрендәге кимчелекләрне бетерү буенча методик киңәшләр бирелде, эш юнәлешләре күрсәтелде.

Татар теле һәм әдәбияты укытучылары семинары

семинар фотосы

1 нче октябрь көнне Казан шәһәре Вахитов районының 116 нчы лицеенда “Федераль дәүләт белем стандартлары нигезендә 5-7 нче сыйныфларда татар телен укыту үзенчәлекләре“ дигән темага теоретик семинар үтте. Семинарга рус телендә белем бирә торган мәктәпләрнең татар теле һәм әдәбияты укытучылары чакырылган иде. Семинар эшендә 71 укытучы катнашты.
Семинарны Казан шәһәре мәгариф идарәсе методисты Р.К. Зиннәтуллин ачты. Яр Чаллы социаль-педагогик технологияләр һәм ресурслар институты доценты, педагогика фәннәре кандидаты, “Күңелле татар теле” укыту-методик комплектлар авторы Р.З.Хәйдәрова үз чыгышында федераль дәүләт белем стандартлары нигезендә 5-7 нче сыйныфларда татар телен укыту үзенчәлекләренә тукталды. Ул бу сыйныфлар өчен чыгарылган дәреслекләрнең структурасы белән таныштырды, укытучылар өчен нәшер ителгән методик ярдәмлекне куллану һәм аерым темаларны өйрәнү буенча киңәшләрен бирде. Укыту процессында укучыларның шәхси ихтыяҗларын, теләк-омтылышларын, индивидуаль-психологик үзенчәлекләрен исәпкә алып оештырырга кирәклеген билгеләп үтте. Укыту-методик комплектлар авторы семинарда катнашучыларның күп төрле сорауларына җавап бирде.

Татар теле һәм әдәбияты укытучылары белемнәрен камилләштерәләр

IMG_0009

2014 нче елның 24 нче апрелендә Идел буе районының 116 нчы лицеенда Казан федераль университеты мәгариф хезмәткәрләренең белемен күтәрү һәм яңадан әзерләү үзәгендә курслар үтүче татар теле укытучылары өчен теоретик-методик семинар уздырылды. Курсларга йөрүчеләрнең күпчелеген Казан шәһәре мәктәпләрендә эшләүче татар теле һәм әдәбияты укытучылары тәшкил итте. Лицейның татар теле укытучысы Габдинова З.Ә. курста белемнәрен камилләштерүчеләргә 2 нче сыйныфта укучы рус телле балалар белән “Ашамлыклар” дигән темага дәрес күрсәтте. Дәресне укытучылар белән бергә ата-аналар да карады. Килгән кунаклар дәреснең методик яктан югары дәрәҗәдә оештырылуын, балаларның программа материалын яхшы үзләштерүләрен билгеләп үттеләр. Укучыларның татарча аралаша алуларына укыту –методик комплектлар авторы, педагогика фәннәре кандидаты Р.З.Хәйдәрова да соклануын белдерде.Ата-аналар да аның фикерләрен куәтләделәр.

Татар теленнән республикасы тестын уздыруга әзерләнү

Татар теленнән республикасы тестын уздыруга әзерләнү
15 нче апрельдә Казан шәһәре мәгариф идарәсенең мәгълүмати-методик бүлеге “Татар теленнән республика тестларын үткәрү һәм бәяләү үзенчәлекләре” дигән темага семинар уздырды. Семинар мәгариф идарәсе методисты Р.К.Зиннәтуллинның кереш сүзе белән башланып китте. Ул татар теленнән яңа формада дәүләт йомгаклау аттестациясен уздыру тәртипләренә багышланган семинарның гыйнвар аенда булуын һәм анда контроль бәяләү материалларын төзүче галимнәрнең чыгышлары тыңлануын әйтте. Бу семинардан соң IX сыйныфны тәмамлаучы укучыларга 2014 нче елда татар теленнән яңа формада дәүләт (йомгаклау) аттестациясе уздыруда үзгәрешләр кертелүен һәм имтиханның укучының теләге буенча гына үткәрелүен искәртте. Апрель ахырында исә укучыларның белемнәре республика тестлары нигезендә тикшерелүен җиткерде.

Конкурслар

Хөрмәтле коллегалар! Республика күләмендә үткәреләчәк бәйгеләрнең кагыйдәнамәсен (положение) урнаштырам.Галимҗан Ибраһимов исемендәге фәнни-гамәли конференция Мәскәү районы 17 нче гимназия базасында узачак. Калган материаллар белән дә танышып чыксагыз иде.

Мастер-класста җиңүчеләр

Ана теле һәм әдәбияты укытучыларының Бөтенроссия “Туган тел” мастер-класс бәйгесе җиңүчеләре
2014 нче елның 27 нче мартында Казан шәһәре Халыклар дуслыгы йортында ана теле һәм әдәбияты укытучыларының Бөтенроссия “Туган тел” мастер-класс бәйгесенә йомгак ясалды. Бәйгенең йомгаклау турында Татарстан Республикасы һәм Россиянең башка төбәкләреннән (Мәскәү шәһәре, Төмән өлкәсе, Башкортостан Республикасы) 72 ана теле һәм әдәбияты (рус, татар, чуваш, удмурт, мари һ.б.) укытучысы катнашты. Бу турда конкурсантлар мастер-класс үткәрделәр, “Минем туган җирем, мәктәбем, һөнәри эшчәнлегем” дигән темага презентация белән чыгыш ясадылар, милли костюмнарын тәкъдим иттеләр. Бәйге кысаларында милли мәгариф мәсьәләләренә, рус, татар һәм башка туган телләрне үстерүнең актуаль проблемаларына багышланган түгәрәк өстәлләр уздырылды. Конкурсантларның чыгышларын Татарстан Фәннәр Академиясе, Казан федераль университеты галимнәре бәяләде.