Әгәр җирдә чын сихерче
Бар икән, ул - туган җир.
Туган җирен онытканга
Табылмас хөрмәт - кадер.

Изге анам, туган җирем,
Туган телем, туган ил-
Кешенең рухи дүрт саны.
Исән булса, бәхет шул.

Җырларым сезсез бер моңсыз,
Күңелем нурсыз, өнсез.
Дөнья читләреннән кайтам
Ишетергә тик бер сүз.

Туган җирдән читтә үткән
Көннәрем әллә азмы?
Җир йөрәге туган җирдә,
Кош та эзли шул назны.

Нәҗибә Сафина " Җир йөрәге".