SMI.KAZANOBR.RU

Блог пользователя Абдуллина Лилия Ринатовна

Жанровая фотография

Опубликовано Пт, 13/02/2015 - 00:30 Абдуллина Лилия...
DSC06974

Урам тып-тын, бары каеннардан

Яфрак ява аяк астына.

Тар сукмактан яшь мөгаллим атлый,

Дәресенә, ахры, ашыга.

Анда көтә аны эш өстәле,

Өстәл тулы китап-дәфтәрләр.

Килеп керерләр дә шәкертләре:

Исәнмесез! – диеп дәшәрләр.

Яшь мөгаллим алар өчен әзер

Тар вакытын чиксез итәргә,

Яшь дуслары белән теләсә нинди

Каршылыклы юлны үтәргә.

Портрет Абдуллина Лилия Ринатовна

Опубликовано Пт, 13/02/2015 - 00:25 Абдуллина Лилия...
P1010344

Миңа сорау бирсәләр:

- Сөенечең ни? — дисәләр,

Сөенечем — таңнан торып,

Эшкә килгән иртәләр.

Миңа сорау бирсәләр:

- Шатлыгың ни? — дисәләр,

Шушы мәктәп сукмаклары

Шатлыгыма илтәләр.

Миңа сорау бирсәләр:

- Бәхет ни ул? — дисәләр,

Бәхет — шушы укучылар

Кеше булып үссәләр.

Абдуллина Лилия Ринат кызының 4 сыйныф рус төркемендә үткәрелгән дәрес эшкәртмәсе

Опубликовано Чт, 12/02/2015 - 19:16 Абдуллина Лилия...
DSC06973

ТЕМА: «Минем дустым»

Максат:
1. Укучыларны текстның эчтәлеге белән таныштыру.
2. Яңа сүзләр белән таныштыруны дәвам итү, аларны сөйләмдә дөрес кулланырга өйрәтү.
3. Укучыларда үзара дуслык хисен тәрбияләү.

Җиһазлау: презентация, ноутбук, экран, проектор, төрле биремнәр язылган карточкалар, тест биремнәре, таратма карточкалар.

Материал: 4 нче сыйныф өчен Татар теле дәреслеге (Р.З.Хәйдәрова, 2-бүлек).

Ссылка на мой личный сайт

Опубликовано Чт, 12/02/2015 - 17:02 Абдуллина Лилия...
Безымянный

Хөрмәтле коллегалар! Сезне үземнең сайтымда күрүемә шатмын. http://nsportal.ru/abdullina-liliya-rinatovna Әлеге сайт 2013 нче елны теркәлде. Сайтны үземнең эш тәҗрибәм белән уртаклашу һәм сезнең белән турыдан-туры аралашу максатыннан булдырдым. Сайттагы эшләр, башлангыч сыйныфларнын рус төркемнәрендә татар теле һәм әдәби уку дәресләрен укытучы мөгаллимнәр өчен күпмедер дәрәҗәдә файдалы булыр дип уйлыйм. Үзегез өчен файдалы булган мәгъүматларны таба алсагыз, мин бик шат булыр идем. Үзегезнең фикер, тәкъдим һәм киңәшләрегез белән дә уртаклашуыгызны телим. Авыр, ләкин шул ук вакытта кызыклы эшебездә иҗади уңышлар!

Эш тәҗрибәмнән

Опубликовано Чт, 12/02/2015 - 16:31 Абдуллина Лилия...
P1010324

Минем эш тәҗрибәм

Мин - Абдуллина Лилия Ринат кызы. Казан шәһәре Идел буе районы 78 нче гомуми урта белем бирү мәктәбенең татар теле һәм әдәбияты укытучысы. Педагогик эш стажем – 19 ел, татар теле һәм әдәбияты укыту буенча – 9 ел.Бу фәнне мин юкка гына сайламадым: халкымның бер вәкиле буларак, укучыларымның да татар телен яхшы белүләрен, иркен аралашуларын, татар халкының тарихын, сәнгатен, мәдәниятен тирәнтен белеп, аның белән горурлануларын телим.
Укытучы булу – минем балачак хыялым. Минем өчен укытучы һөнәр генә түгел, бөтен тормышымның мәгънәсе.
Югары уку йортын тәмамлап, кулыма диплом алган көнне, шатлыгым эчемә сыймады. Әйе, мин укытучы булачакмын! Мин киләчәгемне мәктәп тормышы, балалар белән бәйлим.

Эссе "Мин - укытучы"

Опубликовано Ср, 11/02/2015 - 12:18 Абдуллина Лилия...
DSC06986

Мин – укытучы

Укытучы!
Синдәдер ул йөрәкләрнең иң олысы,
Синдәдер ул йөрәкләрнең иң җылысы.
Һәркөн сиңа ничә сабый карап тора.
Алар сине әниседәй якын күрә.
Еласалар, син аларны юатасың,
Боексалар, син аларны уйнатасың,
Сөйләшәсең күңелләрен аңлап кына,
Орышасың кайчагында җайлап кына.
Саф күңелле кечкенә бала, мәктәпкә аяк басу белән, беренче укытучысының җылы карашын тоя, ягымлы тавышын ишетә.Укытучы алда торган максатына ирешү юлларын ача: сабыйларга белем һәм тәрбия бирә. Уйлап карасаң, укытучы һөнәре – бик катлаулы, авыр һөнәр. Укытучыдан һәр балага игътибарлы булу сорала. Сыйныфтагы укучының психологик һәм яшь үзенчәлекләрен белү һәм аңа шәхси якын килү – бик җитди эш. Дәресләрне оештыру - укытучының әйтеп бетерә алмаслык зур хезмәте.